torsdag 27. november 2014

For the love of LISTS

Åh, eg elskar lister! Pakkelister før vi skal ut og reise, handlelister, lister over ting som må gjerast - kryss av kryss av kryss av!

No er det snart jul, og det er sikkert ikkje berre eg som likar å skaffe meg litt oversikt med å lage lister. Planen er ein gong i framtida å lage ein perm, der eg kan samle oppskrifter og skrive ned kor eg har kjøpt julepynten frå og kva som funka til juleselskapet og kva som ikkje funka og kor eg trådde feil i vaskeplanen. Eg er ganske så laidback, det er inga storreingjering her med vindusvask og sånn - og vi kjøper ikkje gåver til dei vaksne i familien lengre, så det er ikkje SÅ mykje å halde styr på. Men lister må til!

Untitled


I år har eg skrive ut lister frå Crazy Little Projects - her finn du både kalender, liste over baking/aktiviteter/gåver og anna. Eg skreiv ikkje ut alle sidene, vi plar ikkje skrive brev til nissen t.d.
Medan minsta sov laga eg ferdig adventskalenderen. Først skreiv eg inn alt som allereie er på tapeten i desember i kalenderen, for å sjå kva aktiviteter som passar når (må ha korte/enkle aktiviteter dei dagane det er fritidsaktiviteter eller andre arrangement). Så skreiv eg inn alle aktivitetane eg har planlagt i "Family Activities to Do"-lista før eg laga små lappar og la i kalenderboksane. Blir veldig bra!

Untitled


Untitled

tirsdag 18. november 2014

Årets adventskalender


Konvoluttkalender frå A Beautiful Mess      Adventsbokser til å skrive ut heime og brette frå You are my Fave
Advent i eit syltetøysglas frå Poppytalk       Girlanderkalender frå Nido



Ungane her har ønska seg aktivitetskalender. Det hadde vi for to år sidan, og dei snakkar framleis om den. Opplevingar og julestemning gjev gode minner, og vi får høve til å roe ned litt og finne tid til kvarandre i ein travel kvardag. I fjor var eg ikkje i form og med ganske liten baby, og vi kjørte klistremerke- og fargeleggingskalender (også veldig populært!)

 Her er kalenderen vi hadde for to år sidan, superlekker - ikkje sant?


Denne digre fargeleggingkalenderen frå notonthehighstreet er kjempefin! Elles er HER ein gratis du kan skrive ut sjølv


Eg sit og lagar liste over moglege aktivitetar:
  • Lage fuglemat / henge opp fuglemat (henge opp kan vere aktivitet dagen etter eller ein annan dag)
  • Juleverkstad (gjer det enkelt, lage julelenker eller enkle julekort f.eks. Det treng ikkje vere avansert!)
  • Pynte utandørs 
  • Lage stjerne av greiner
  • Tur til biblioteket (sjølv kjem eg til å ta ein tur no snart for å sikre meg eit utval julebøker!)
  • Lese ei bok (eller to, eller tre?)
  • Lage julekino i stova med popcorn og saft (kan f.eks. sjå Polarekspressen)
  • Sende juleposten (klistre på frimerker og gå til postkontoret)
  • Bake lussekattar og gå Lucia i nabolaget
  • Sjå ei juleforestilling (vi skal på Buggegården)
  • Bake pepperkaker / pynte pepperkaker (pynting kan gjerast dag 2) / pynte pepperkakehus
  • Pysjamasfest / vere oppe ein halvtime ekstra (kan vere på ein vanleg kvardag også - SÅ gøy!)
  • SPA på badet (boblebad i badekaret, stearinlys, plingplongmusikk og heimelaga ansiktsmaske)
  • Lage dørkrans
  • Trille ut marsipan 
  • Turbingo (kanskje gå i nabolaget for å sjå på julelys om kvelden?)
  • Kjøpe juletre / pynte juletre (vi pyntar 23. desember, men kjøper jo gjerne treet litt før)
  • Ete kveldsmat ute (med gløgg/kakao?)
  • Båltur med pinnebrød og speiderbanan
  • Aketur eller skøytetur om det er snø/is (evt. besøke skøytehallen?)
  • Velge middagsmat (og hjelpe til med å lage den)
  • Besøke ein ven/slektning
  • Dra på julemarked eller åpen gård
  • Teikne- og maleverkstad (kanskje printe ut nokre fargeleggingsark med julemotiv?)
  • Lage bivoks-lys og pakke fint inn (gåve til lærar/barnehagetilsette/besteforeldre...)
  • Ete middag på restaurant
  • Grove vafler til kvelds (ungane er med å lagar vaffelrøre)
  • Dessert før middag
  • Lommelykt&refleks-tur (evt. innandørs om veret er skikkelig kjipt)
Eg kjem ikkje til å fylle alle eskene med aktivitetskort 1. desember, sidan forma kan vere ganske varierande må eg ha moglegheit til å endre løp undervegs. Men det er viktig å planlegge litt på førehand uansett, og å legge opp aktivitetane etter andre ting som skjer. Vi kjem t.d. til å legge restaurantbesøk til ein dag det er juleavslutning og vi likevel må ut av huset rett etter middag for å rekke fram. Teikneverkstad ein dag vi har mykje på programmet (finne fram teikne- og malesaker + ark går kjapt!), og å lese ei julebok eller to til leggetid ein dag energinivået er lågt.

Fleire idear til aktivitetar her: 50 things to do at Christmas og 24 Advent Family Activities

Om ein vel enkle aktiviteter som ein veit at ein kan gjennomføre uavhengig av dagsform/aktivitetsnivå er denne lenka perfekt. Stilig og enkel å lage, og veldig visuelt kor mange (eller få) dagar som er att til jul:


Denne adventskalenderskogen kan printast ut også er det berre å skrive aktiviteten på baksida (passar kanskje best for ungar som ikkje les sjølve enno, så blir ikkje freistinga for stor til å lese bakpå alle trea)

Eller kva med ein skikkelig lekker svart og kvit grafisk kalender? Denne er det også berre å skrive ut på tjukt papir og brette i veg. Her er det plass til ein liten ting oppi eska saman med aktivitetskortet om ønskeleg. 


Har du planlagt årets adventskalender?

søndag 16. november 2014

Heimelaga playdoh


Dette trur eg må vere den kulaste aktiviteten vi har gjort her heime, ungane har leika masse med playdoh i det siste. Vi fann ein gammal pakke i kjellaren med herleg (eh) gråbrun playdoh-mos, den har vore flittig i bruk dei siste vekene.

Pinterest er mi favorittnettside/app, her finn ein inspirasjon til tusen! Og eg falt fullstendig for Mama Papa Bubba sin Frost-inspirerte playdoh. (Forøvrig ein kjempefin blogg med masse masse tips til inneleik og aktiviteter).

Untitled

Så, korleis gjer ein det? Eg har eit sett med målebeger i cup-storleik, noko som gjer ting enklare når ein brukar amerikanske oppskrifter. Meiningslaust at dei ikkje kan bruke metrisk system, men sånn er det jo berre. Så oppskrifta her kjem i cups, men desilitermål funkar også greitt (du kan f.eks. bruke 1dl for 1 cup, då får du omlag halvparten av oppskrifta eg laga)

1 cup kveitemjøl
1/4 cup salt (eg hadde berre havsalt, knuste det i morteren, men trur det funkar betre med vanleg salt)
1 ss kremortartari (cream of tartar) - eg har kjøpt på iHerb, får sikkert tak i det på fancy kakedekoreringsbutikkar også
1 ss olje (eg brukte raps)
1 ss glyserol (det får du på apoteket, gull til heimelaga såpebobler også!)
 Litt fargestoff (eg brukte Wilton kakefarge, konditorfarge funkar også, men då blir fargen svakare)
3/4 cup kokande vatn

Miks alle dei tørre ingrediensane i ein bolle, ha i olje, glyserol og fargestoff og til slutt det varme vatnet. Bland kjapt saman. Du treng ikkje blande slik at fargen er heilt jamn, berre rør det raskt saman. Du ser korleis vår såg ut etter kjapp røring på det øvste biletet. Det ser ut som klumpete gøgg. Det skal sjå ut som klumpete gøgg. La det stå i omlag 10 minutt til deigen blir kald nok til at du kan ta i den. Etter eit par minutt knaing vil du få ein heilt silkemjuk playdoh (den er litt mjukare enn vanleg playdoh synes eg). Vi helte på masse glitter medan vi knadde (du treng meir glitter enn du trur!)

Sidan ungane her ville ha ulike fargar hadde vi i vatnet før fargestoffet. Helte i vatn, rørte kjapt saman og delte deigen i to. Hadde i fargestoffet og rørte raskt saman igjen. Viss du brukar desilitermål (1 dl i staden for 1 cup) vil du altså få ein deig på storleik med ein liten appelsin. Då må du bruke 2 ts (te-skei altså!) olje og kremortartari.

Så er det berre å slå seg laus med kjevle, kakeformer, knivar eller andre formingsverktøy. Ungane har holdt på i over ein time no, og ser ikkje ut til å bli ferdige med det første! Win!



Untitled

Untitled