fredag 15. november 2013

Tips til inneleik når uteleik utgår

Snart helg. Dei to dagane då kvardagslivsrutinene er oppheva og dagane kan bli litt lange. Det er ikkje det same med helgefri når ein har barn i alle fall! Aktivisering må til! Og ofte er det ikkje vér som innbyr til mykje uteleik - kva då? 

Ein liten halvtime må i alle fall til, sjølv i pøsregn. Stort sett er det jo kjempekjekt når ein først har kome seg ut! Også kan ein alltids varme seg med kakao inne etterpå!






Heldigvis er det mange kjekke inneaktiviteter ein kan finne på også. Eg har ein unge som trivast med å leike sjølv (lego, togbane, klossar, bilar...) og ei som helst vil teikne eller perle eller lage ting. Ikkje alltid like lett å finne aktiviteter som passar begge to.


Eg har printa ut ein bilbane og laminert bitane. Veldig populært å kunne bygge sine eigne vegar og lage ein by om ein vil! 


Eit anna bilbanetips er å lage ein enorm vegbane med washitape, som hos an-magritt - så kult!




Eg har også printa ut desse heksagon-brikkane på kartong. Veldig kjekt å lage mønster eller finne opp sine eigne spel med dei. Desse er ofte i bruk her i huset! Storesøster lagar avanserte mønster og reglar for korleis korta skal brukast medan mellombror berre matchar fargane.



På pinterest har eg masse barneaktiviteter liggande, elskar å få inspirasjon til ting ein kan drive med heime og ting ein kan lage med ungane. Stay tuned, her kjem det fleire tips på bloggen etterkvart! 


GOD HELG!

onsdag 30. oktober 2013

Papirgøy


Eg elskar at det er så lite som skal til! Dorull og kjøkkenpapirrull, tjukt papir, sugerør, teip og litt maling og plutseleg har vi ein heil fly-skråstrek-rakett-park! Mellomstemann elskar alt som kan fly, og hadde det så kjekt med å utforme sin eigen rakett og kaste mammabretta papirfly.

Inspirasjon fann vi via Pinterest og youtube!
Kjøkkenrullrakett http://www.clel.org/content/literacy-based-crafts-rocket-ship
Sugerørrakkett http://curiouskangaroos.blogspot.no/2011/07/paper-rocket.html
Papirfly som flyg BRA http://m.youtube.com/watch?v=12UJvz0f-8k








No er det siste innspurt på kostymefronten før morgondagens knask eller knep-runde.
Heimemekka enkle saker. Eg synes det er gøy!


torsdag 24. oktober 2013

Fireårsbursdag = dinofest

Tenk at den herlige guten vår har blitt fire! Han har gleda seg sånn til bursdag og fest, og tidlegare i oktober var endeleg dagen her. Det var vingling fram og tilbake om det skulle vere dinosaurfest eller robotfest, men til slutt landa vi på dinofest. Litt shopping på ebay og litt Pinterestinspirasjon og vips!

Banner og anna stæsj printa herfrå, ballongar og papirkuler frå Søstrene Grene


Mat: dinoegg (grøne druer), grøn fruktsalat (pære og kiwi), dinosaurbein (ost- og skinkehorn forma som bein), sukkererter og popcorn. Pynta med leikedinosaurar frå leikebutikken (dei fekk han i bursdagsgåve i fjor faktisk).


Ballongane fekk dinopynt av blå kartong klippa i trekantar og teipa på. Superenkelt og kult!


Ute hadde vi ulike aktiviteter som ungane fekk premie for å gjennomføre. Kast på boks og skyte fotball i mål. Premiane var viskelærdinosaurar frå Søstrene Grene og dinoklistremerker frå ebay (ser dei er utsolgt der eg handla, men søk på "dinosaur foam stickers"). Dinosaurgenser og bukse også frå ebay, etter tips frå Homlepongane.


Kakebord må ein sjølvsagt også ha, i grønt. Må jo matche fargetemaet fireåringen har valgt seg (yndlingsfargen hans er... you guessed it! GRØNN!)


Sjokoladeake (inspirert av denne, men eg printa ikkje ut malen, berre skar ut på frihand). Angra veldig på at eg ikkje hadde grøne serviettar under, hadde vore litt meir estetisk enn kvit plastikk, men hallo - det er fireåringar! Dei bryr seg ikkje om kakefatet ;) )


Dinosaurkjeks (brukte ei sandwich-form som skar ut to kjeks samstundes) med berre vanleg melisglasur farga grøn. Veldig enkelt og superpoppis! Blir definitivt kjeks ved seinare høve også! 
Eg brukte denne oppskrifta frå Bakerella. Mannen fann grøne marshmellows på Rema 1000 (i ein pakke med rosa og gule også då...) som fekk litt smelta sjokolade og kakestrø på seg.


Grøn gele i porsjonsglas (laga ganske mange ekstra etter forrige bursdag der geleen var det som det gjekk mest av). Eg fann ikkje grøn gele i pulverform, så kjøpte ferdig eplegele som eg smelta og hadde i glas. Geleen stivna veldig raskt, mykje raskare enn pulvergele.


Medan ungane åt kake gøymte eg eit dinosauregg (pakka minigodteposar inn i ein stor grøn serviett og forma det som eit egg, hadde det inni ein sånn plastpose frå fruktdisken i butikken og hang opp i epletreet) og ungane gjekk på jakt (gjekk? nei, dei sprang og ropte og hoia og hadde det kjempegøy!) Oppi godteposen var det ein kjærlighet, to minikarameller og ein tyggis. Skal ikkje så mykje til! 







søndag 5. mai 2013

Enkel moro på ein regnversdag

God morgon! I dag skin sola og det ser ut til å bli ein deilig dag. Vi gler oss til søndagsmarknad på Karljohansvern, sjå innlegget under.

Men i går regna det, og det vart berre ein liten tur ut. Då må ein ha noko gøy å finne på inne. Ei pappeske, litt tusj og fargar, ein liten restestoff-bit (for god gli) og tape. Vips - ein båt/racerbil/tog...



(Teipar du ein liten bit glatt stoff under pappeska er det lettare å dytte!)

GOD SØNDAG!



lørdag 4. mai 2013

Prepping

I morgon er det søndagsmarknad på Garasjetorget på Karljohansvern. Her er det mogleg å selge brukt og/eller heimelaga. Eg brukte fridagen min i går til å sy nokre vogntepper og finne fram litt brukte ting. Det blir spanande!


Teppa er sydd i mjuk fleece og deilig bomull, noko vintage og noko nytt. 




Kanskje vi sjåast i morgon? Marknaden er frå 12-15 og det er open kafé og opne galleri innanfor Verftsporten. Det er meldt sol også!

lørdag 30. mars 2013

Paradis!

Sjølv om det er snø ute kan ein likevel drive med vårlege aktiviteter som paradis! Washitape, papir og noko du kan kaste (ein fuktig klut fungerer mykje betre enn legoblome fann vi ut etter at desse bileta vart teke)





I dag er det klart for eggejakt, ungane gler seg til rebusløp og fangst. Det er så kjekt når dei hugsar frå tidlegare år. Såpebobler og hårpynt er kjøpt inn, i tillegg til store mengder snop.

torsdag 28. mars 2013

Eggefritt eggeverkstad del 2

Her kjem del to av påskeverkstaden vår. Du treng ståltråd, perler og (silke)band. Tre perlene på ståltråden, form til egg og heng opp med fine band. Eg har kjøpt perler og silkeband på Søstrene Grene, i tillegg til å raide perleboksene til femåringen. Nabbiperler fungerer også kjempefint, og passar godt til tre år gamle fingrar!

Plukk greiner og sett i ein heimelaga vase av malt syltetøysglass med klistremerker på. Heng opp egga. Voila, kjempefin påskepynt!






Added bonus: Organisere alle perlene etterpå, dette kan ta lang tid. Sortere etter farge og form. Du får fine perleorganiseringsbokser på Claes Ohlson f.eks. Dei er nok eigentleg laga for skuar og spiker, men supre til perler!

onsdag 27. mars 2013

Eggefritt eggeverkstad

Hadde eigentleg tenkt å byrje blåse ut egg i februar ein gong, for å samle opp nok egg til å ha maleverkstad. Men sånne planer, ja... Og det er ganske vanskeleg å male på egg (har ikkje sånn stativ som du kan kjøpe t.d. på Panduro), og dei knuser lett. Så vi har hatt eggefrie eggeverkstad i heimen, her kjem første del!

Filtegg er så genialt enkelt. Det vanskelegaste er å ikkje skvise ut halve limflaska om gongen (i alle fall når ein er tre år). Du treng: filt, garn (eller tråd), auge (kan også klippast ut i filt) og perler (valfritt), saks og lim.

Klipp ut to egg, legg garn mellom til oppheng og lim saman. Lim på detaljer. Viss du vil ha perlebein må du ha ein lengre tråd og det er lurt å feste på perlene før du limer saman. Legg ferdiglimte egg unna tre år gamle fingrar, viss ikkje må du sikkert lime på nytt tre-fire gongar og egga blir veldig stive av mykje lim og vanskelegare å lime slik at garnet heng fast. Det går an å hjelpe til med klippinga, eller justere litt etter at egga har tørka, men det ER litt sjarmerande at det ser ut som det er ein treåring og ein femåring som har laga dei!




Når dei er tørre er det berre å plukke litt greiner ute, sette i vase og henge opp! 


Femåringen sydde også eitt egg, og fylte med vatt, men det gjekk mykje fortare å lime - og speedjunkien ville heller gjere det som går raskt!

Kaninhalen frå karnevalskostymet til femåringen fekk litt filt på seg og vart ei kyllingprinsesse!




Stay tuned for fleire eggefrie egg i morgon!

søndag 24. mars 2013

Ut på tur, med "skattejakt"

Det er is og kaldt og ikkje så fint uteleikever, sjølv om sola skin. Då må ein finne på noko. Inspirert av desse reisebingo-setta lagde eg avkryssingsark for ungane, sjå om du kan finne alle ti tinga i løpet av turen! Femåringen fekk ord (ho elskar å "lese", og parkeringsplass var ikkje noko problem) og treåringen fekk teikningar. Femåringen burde nok også fått fleire enn 10 ord, ho fann sju av tinga i løpet av fem minutt og mista litt motivasjon på slutten av turen. Å teikne skilt er lurt om de er i sentrale strøk. Detaljer på hus eller veldig konkrete ting til litt større barn (altså ikkje berre "bil" men "grønn stasjonsvogn" for eksempel).

"Nei, skatten min, du skal få slippe å leite etter ein rev, mamma prøvde å teikne ein katt!"

Klare med ark og fargestift (NB: Sjekk at fargestiften gjev skikkelig farge, vi valgte nokre dårlege gratis-på-restaurant-fargestiftar som var umoglege å teikne med i kulda og utan hardt underlag)




Premien etter endt "skattejakt" (vi fann skuffande nok ikkje påskeliljer, hadde trudd vi kom til å finne det på trappa på nokre av husa vi gjekk forbi, elles fann vi alt) var kafébesøk med brus og sveler. Lukke!

Fleire tips om korleis overleve påskeferie med barn når ein ikkje har planar om hyttetur eller å reise bort kjem i bloggen denne veka! God søndag!




søndag 10. mars 2013

Snøgrafitti



Gamle ketsjup- og sennepsflasker og drikkeflasker med sportstut blir ypperlege malereiskaper i snøen! Ein dæsj gelefarge frå Wilton utrørt i varmt vatn og så blanda med kaldt vatn i flaska og vips - spruteflasker som funkar supert til snøgrafitti! Du kan også bruke vanleg konditorfarge, men betre utval i Wiltonfargar, og du treng berre bittelitt. Eg hadde kanskje 1/5 ts farge i kvar flaske, kunne sikkert brukt mindre også. No har vi påskepynta regnbogesnø i hagen!










God søndag!


lørdag 23. februar 2013

Kreativ laurdagsmorgon

Ein god helgemorgon er når ungane seier "Jeg vil egentlig ikke se på barne-tv jeg mamma! Kan vi ikke gjøre noe sammen?" Kjapp frukost med heimerørt syltetøy med smak av fjorsommaren og ingen velta mjølkeglas. Så er det berre å dekke bordet med papir og la ungane finne fram ting frå teikneskuffen på stova.


Nokre gongar er alt ein treng litt papir, nye tusjar og klistremerker. Eg fann ein pakke med superbillige skumgummiklistremerker i Sverige i fjor, og har kjøpt masse søte asiatiske klistremerker på Ebay - genialt med slike pakkar viss ein treng noko ekstra i ei gåve, eller i staden for godtepose i bursdagsselskap. Vi brukte søte kaninklistremerker i ein bursdag til A, veldig populært!







Dette er mitt bidrag til NIB sin morgenøyeblikk-konkurranse, sjå fleire bidrag eller bli med sjølv HER