Adventskalender med meining

Vi har hatt LEGO-kalender, aktivitetskalender (fleire år på rad), sjokoladekalender og fuglekalender (24 fuglar som blir hengt opp i vindauget - familien fekk den av min tyske dagmamma). I år har eg lyst til å kombinere aktivitetskalenderen med noko anna, og dette dukka opp på Pinterest:

I bloggen Thirty Handmade Days kan du lese om ein heilt genial adventskalender. Her set familien seg ned og bestemmer i fellesskap kva organisasjon eller arbeid dei vil gi pengestøtte til. Kvar dag blir det trukke ein pinne med ei velsigning på (t.d. kjøkkenredskap eller toalett eller varme kle eller søsken) og så legg ein ei krone i eit glas eller ein boks for kvar velsigning ein kan telle opp: tre søsken = tre kroner, to toalett i huset = to kroner, 24 kjøkkenreiskaper = 24 kroner i glaset. Til slutt kan ein telle opp alle kronene og overføre i nettbanken eller levere inn pengane dersom det er til eit lokalt arbeid.

Ikkje berre er det flott å tenke gjennom kor heldige vi er og kor godt vi har det og få litt perspektiv på livet, vi kan støtte ein organisasjon og hjelpe andre som ikkje har det like bra som oss, og vi kan øve på matte. 

Ungane har i alle år hatt omvendt adventskalender i barnehagen og på skulen, der alle pakkar inn enten eit plagg som har blitt for lite eller ei leike som ikkje blir brukt. Desse blir levert inn til Norsk Nødhjelp, som sender det vidare til barneheimar i Albania. Vi har gjort dette heime også, som ein del av aktivitetskalenderen. No er det mange menneske på flukt som treng varme kle og kanskje ein liten kosebamse, eller kanskje er det nokon nye i nabolaget ditt som har behov for slikt? Du kan kontakte Frivilligsentralen i kommunen din, eller sjå lista her hos RWTN, eller sjekke med Røde Kors der du bur. 

Enkle kostymer - fleire idear frå det store internett

Eg har sagt det før, og seier det igjen, eg er fan av å kunne kle seg ut som gøye ting på Halloween - kvifor skal det vere så skummelt?! Her kjem fleire idear til sånn siste-liten-enkle-kostymer! Det er så kjekt å lage sjølv, og det er meir miljøvenleg enn å kjøpe kostymer som kanskje berre blir brukt på Halloween. Kostymene eg linkar til her kan du lage av ting du gjerne allereie har heime, og gjenbruk av stoff er supert! 

Giraffkostyme frå The House That Lars Built - tynn ståltråd/blomstertråd og litt stoff, og kle i passande fargar er alt du treng. Innlegget har fleire kostymer laga på same vis!

Nøtteknekker-maske frå Llevo el invierno. Her treng du ein cornflakes-pakke eller liknande og litt papp. Superkul maske som ingen kjem til å ha maken til!

Her er gjenbruk på sitt beste! Superheltkappe av gammal t-skjorte frå The Southern Institute. Vi har brukt denne oppskrifta til Batmankostyme til mellomsten. Superenkelt!

Gratis masker du kan printe ut på kartong. Halloween-masker frå Mr. Printables. Fest ein strikk bak hovudet, eller lim dei på ein liten pinne og vips! Klar for Halloween!

Lucha Libre-Masker frå Happythought - skriv ut og brett saman. Utfør nokre kule meksikanske bryter-moves og hey presto!

Nydeleg indianerkrone frå Jacks and Kate. Denne kan ein sikkert lage enno enklare med å klippe ut fjær av papir/kartong eller bruke fjær frå hobbybutikk eller hønsegården dersom du har høns i nabolaget.

Eller kva med minimasker av eggekartong? Baby Jungle har laga fire ulike dyrenaser - ta på kle i matchande fargar og så har du eit kjempesøtt kostyme! 

Du finn fleire kostymeidear på Pinterest-tavla mi COSTUME

Påskeegg del 3

Det har gått i egg i årets påskeverkstader. Huset fullt av egg! Men det er jo så fint, og eit godt symbol på påske. Nytt liv!

I går lagde vi stempla egg. Superenkelt! Eg fann fram akvarellmaling frå Søstrene Grene (og litt akrylmaling frå Panduro, men akvarellmalinga var best - eit lite skrin med små tuber i til finfin pris!), litt papp frå ei pappeske, papptallerknar og kvit kartong (vi brukte tjukke akvarellark, men her kan du jo bruke kva som helst!). Klipp ut eggeformer, skvis maling ut på papptallerknar (veldig greitt med slike tuber med akvarellmaling, vart ein veldig passeleg "strek" til stempla!) og stemple i veg med pappbitar! 

Dette var kjekt for sjuåringen (som laga litt meir avanserte mønster, og brukte pensel på nokre egg), femåringen (som var oppteken av matchande fargar) og snart-toåringen (som berre stempla villt). Enkelt å lage i stand, og kjapt å rydde opp etterpå. Berre rulla alt (vel, ikkje måling, penslar og ferdige egg sjølvsagt) inn i papirduken og rett i papirsøpla!

Påskeegg med glassmalerieffekt

Etter å ha grilla pølser og grove kanelpinnar (grov pinnebrøddeig snurra rundt grillpinnen, med litt kanel og rørsukker på) ute i dag vart det inneaktivitet etterpå. Vi har laga påskeegg i dag også, pinspirert av Things to Share and Remember. Kan gjerast superenkelt for småttisar og større barn kan gjere seg så mykje flid dei berre vil. Paljettar er ein sikker vinnar i alle aldersgrupper dog!

Du treng: kartong i valfri farge, kontaktpapir, silkepapir og evt. paljettar. Synål og sytråd til oppheng viss du ikkje vil klistre dei rett på vindauget.

Klipp ut eit stort egg av kartong (kan teikne det først med blyant om du ikkje vil klippe på frihand. Anbefaler at ein vaksen hjelp til eller utfører dette!), klipp ut eit mindre egg inni det store egget slik at du får ei ramme. Dersom du startar med eit skikkelig stort egg får du minst to glassmaleriegg av det same egget! Legg egget på kontaktpapiret og klipp ut ein firkant som er stor nok til å dekke egget. Fjern den kvite plasten og lim egget på (det hjelp å ha litt lange negler, det er innmari vanskeleg å dele plast og kontaktpapir! Grr!)

Riv opp små bitar silkepapir og klistre på inni egget. Kjør på med paljettar om du har! Større barn vil kanskje klippe ut former med saks og lime på, eller lage mønster av striper/sikksakk. Her er det berre å la kreativiteten boble over. Berre pass på at det ikkje er for mykje silkepapir langs eggeramma, då sit ikkje kontaktpapiret du skal ha på toppen så godt fast.

Klipp ut ein ny firkant med kontaktpapir og legg over, slik at silkepapiret og eggeramma har plast på begge sider. Klipp av overflødig kontaktpapir og voila! Heng opp i vindauget og nyt dei vakre fargane! Eg har hengt dei på ei grein frå epletreet i hagen.

Verdas enklaste påskeegg (kanskje)

Planen er å blogge litt om aktivitetane vi gjer i påska. Eg har fri, mannen jobbar (på Nummer ti - check it out!) og har tre ungar heime. Må ha litt å finne på då, så eg prøver å ha minst ein kreativ aktivitet om dagen. Vi skal innom biblioteket i morgon eller onsdag og låne med oss masse gøye bøker. Eg har sånne ungar som ikkje leiker i timesvis på eiga hand, dei treng litt hjelp til å trekke i trådar eller sette i gang noko. Og det blir litt mindre krangling når eg er engasjert og ikkje berre sit med kaffi og strikketøy, merkeleg nok...

Men ja - verdast enklaste påskeegg! Genialt enkelt! Lite søl, null knuste egg og ingen frantiske googlesøk etter "oppskrifter med mykje egg" *hehe* Men du treng google då!

Søk etter "mandala easter eggs", lagre bileta og lag eit worddokument med masse egg (eg hadde åtte egg per A4-side, då er dei litt større enn XL egg kjøpt på butikken). Skriv ut på kvit kartong (eller berre kvitt papir, men kartong held litt betre). Kvess fargeblyantane og la ungane kose seg! Klipp ut og fest på vindauget med tack-it (lærartyggis) eller washitape.

For å unngå frustrerte små hender kan det vere lurt å skrive ut ei blanding av detaljerte egg og nokre med berre eit par enkle strekar/former. Kan jo også klippe ut heilt kvite egg og la ungane fargelegge. Kanskje med terningmetoden (og slenge inn litt mattetrening med det same)? 

Håper du har ein finfin påskeferie så langt!

Eggefritt eggeverkstad del 2

Her kjem del to av påskeverkstaden vår. Du treng ståltråd, perler og (silke)band. Tre perlene på ståltråden, form til egg og heng opp med fine band. Eg har kjøpt perler og silkeband på Søstrene Grene, i tillegg til å raide perleboksene til femåringen. Nabbiperler fungerer også kjempefint, og passar godt til tre år gamle fingrar!

Plukk greiner og sett i ein heimelaga vase av malt syltetøysglass med klistremerker på. Heng opp egga. Voila, kjempefin påskepynt!

Added bonus: Organisere alle perlene etterpå, dette kan ta lang tid. Sortere etter farge og form. Du får fine perleorganiseringsbokser på Claes Ohlson f.eks. Dei er nok eigentleg laga for skuar og spiker, men supre til perler!

Eggefritt eggeverkstad

Hadde eigentleg tenkt å byrje blåse ut egg i februar ein gong, for å samle opp nok egg til å ha maleverkstad. Men sånne planer, ja... Og det er ganske vanskeleg å male på egg (har ikkje sånn stativ som du kan kjøpe t.d. på Panduro), og dei knuser lett. Så vi har hatt eggefrie eggeverkstad i heimen, her kjem første del!

Filtegg er så genialt enkelt. Det vanskelegaste er å ikkje skvise ut halve limflaska om gongen (i alle fall når ein er tre år). Du treng: filt, garn (eller tråd), auge (kan også klippast ut i filt) og perler (valfritt), saks og lim.

Klipp ut to egg, legg garn mellom til oppheng og lim saman. Lim på detaljer. Viss du vil ha perlebein må du ha ein lengre tråd og det er lurt å feste på perlene før du limer saman. Legg ferdiglimte egg unna tre år gamle fingrar, viss ikkje må du sikkert lime på nytt tre-fire gongar og egga blir veldig stive av mykje lim og vanskelegare å lime slik at garnet heng fast. Det går an å hjelpe til med klippinga, eller justere litt etter at egga har tørka, men det ER litt sjarmerande at det ser ut som det er ein treåring og ein femåring som har laga dei!

Når dei er tørre er det berre å plukke litt greiner ute, sette i vase og henge opp! 

Femåringen sydde også eitt egg, og fylte med vatt, men det gjekk mykje fortare å lime - og speedjunkien ville heller gjere det som går raskt!

Kaninhalen frå karnevalskostymet til femåringen fekk litt filt på seg og vart ei kyllingprinsesse!

Stay tuned for fleire eggefrie egg i morgon!

Gjennom meksikanaren sine auge

Jadda, mannen i huset er også på Pinterest - og han har lagra ein del interiørbilete. Det er så morosamt å sjå at vi veks i same retning, eg er ganske viss på at vi begge har endra oss masse på den reisa vi har gjort så langt i livet saman. Vi kjem jo frå to ulike kontinent, frå to ulike kulturar, har kvart vårt språk, kvar vår luktesans, og bit for bit legg vi eit slags puslespel som blir livet vårt og familien vår.

Heldigvis har han god smak når det gjeld interiør då:

Dei fire første bileta er frå Pinterest, det siste biletet er frå Victor - en bildblogg (masse fin inspirasjon der!)

Håper du har hatt ein fin start på veka! Her har det vore lang jobbdag, men veldig kjekt! Eg er så glad i jobben min, og det er så herlig å gle seg til å dra på jobb. Det er jo sånn det skal vere!

Blåmandag

Dagane flyg avgarde heilt villt fort no! Rekk knapt sitte ned føler eg, og bloggen lid deretter. Så litt blå stemning her inne i dag... Etsy er ei av favorittsidene mine på nett, er stadig innom og sug til meg inspirasjon (og handlar litt i seine nattetimar...) - her er litt blåmandagsinspirasjon til deg óg!

Hjortegevir frå MadeByCassandraSmith, særs humane dyrehovud til å ha på veggen frå FrenchMelody, liten fugl frå SeaPinks og leikekamera frå OneLateNight

Får eg meg nokon gong eit gevir så skal eg verkeleg vurdere å male det - innmari kult! Og eg får så lyst til å sy søte små leiker til små familiemedlemmer, men når eg knapt rekk skrive på bloggen er det kanskje ikkje rimeleg å tru at eg får tid til å finne fram symaskina med det første. Heldigvis er det førti dagar att til jul! 

Og TUSEN TAKK for at så mange vil vere med på gjevekken! Eg er så glad, hei til nye følgarar og lukke til til alle som har teke lodd - det er framleis fleire dagar att, så her er det berre å henge seg på!

Håper mandagen din er fin, blå eller ei! Det blir rolegare dagar her i heimen ein gong ut i neste veke håper eg. No nyt eg berre små "friminutt" med store tekoppar, litt inspirasjonshenting i diverse juleblad og litt strikking. Skal finne fram strikketøyet i kveld også, men først er det kosekveld med mannen. Han har jobba ekstremt masse i helga, så no blir det fredagsstemning med eit lite glas raudvin, ost og spekeskinke.

Etspirasjon

Eg vart litt inspirert av fargane i blomebuketten eg fekk i går, så i dag har eg sikla på oransj-brun-gule ting på Etsy. Klar for litt inspirasjon, eller etspirasjon?

Ekornfat, pulsvantar, legovase og giraffpute

Eikenøttsmykke, Mikkel Rev med date, hjortepute og trykk

Håper du har hatt ein fin start på veka, og at resten av veka blir bra!

***

Inspired by the flowers I got yesterday from work I found some fabulous stuff on Etsy. I´m drooling over orange/brown/yellow things these days.