lørdag 6. oktober 2012

Jeg skal på fest med en gruffalo

Veslebror fylte tre år i dag! Store greier! Og han har ønska seg Gruffalo-bursdag i snart eitt år, så no har han ein (washitape)skog på soverommet og grilla rev i magen. For dei som er uinnvidde i Gruffalo-verda så er det ei bok skriven av Julia Donaldson og illustrert av Axel Scheffler. Dei har laga mange supre barnebøker saman!


MENY:
Grilla rev (innbakte pølser)
Ugle med krem (muffins med glasurugler)
Rørt slange (sure lisser) 
Gruffalo-kumle (popcorn)
Grønngiftige vorter (grøne druer)
Gruffalokake

Lilla pigg-juice (druejuice)
Pressa gras (eplejuice)

Vi byrja med å lese boka i skogen på rommet til ungane. Tenkte at sikkert ikkje alle hadde høyrt om Gruffalo før, og då vart det litt meir morosamt å gå til bords og ete grilla rev og ugler med krem.




Det funkar forøvrig dårleg å sende ungane på rommet å leike medan mamma pynter kake og baker pølser - det var ikkje særleg ryddig der før gjestane kom...


Du kjem langt med washitape, grøne post it-lappar, kongler og ein krakk frå Åhlens!








Sett vorta på Gruffalo. Printa ut eit bilete på A3-ark og hadde mange ulike grøne knappar som ein kunne trykke på med tack it.




Verdas enklaste vimpelrekke laga av grøn kartong og washitape bretta rundt trekantane. Hadde funka best med grøn 
tack it når knappane er litt gjennomsiktige. Knappar har eg kjøpt superbillig på Etsy.


Gruffalokake med inspirasjon Marron&Dolce, sjokolademuffins med angel frosting (aaltfor søt!), innbakte pølser (særs improvisert pizzadeig, men gode var dei!) og muffins utan glasur.


Heimebretta popcornbokser printa herfrå, dei små Gruffalofigurane med matnamnet på laga eg superkjapt hos PicMonkey


Gjestane fekk eit lite Gruffalo memoryspel oppi godteposen sin. Printa frå gruffalo.com (her kan du også printe invitasjonar og masse aktiviteter, som masker og teikneark - det skal vi bruke i morgon når vi skal repetere Gruffalotema i familiebursdag)



The aftermath...


Det var utrulig kjekt å ha eit ordentleg tema for bursdagen. Men eg sto framleis i pysjamas og pynta kaka då dei første gjestane kom (heldigvis var det kollegaen min, så ho dekka bord medan eg skifta) - neste gong skal eg gjere ferdig kaka dagen før. Saftig kanelkake held seg jo lenge, så den kunne fint stått ferdigpynta i kjellaren. Washitape frå Etsy og Søstrene Grene, koppar og serviettar frå Ikea, sugerør, ballongar og silkeband er også frå Søstrene Grene.














fredag 14. september 2012

Fotofredag

Fantastiske naturen, værbitt og slitent i haustsola.
Fin fredag. 










søndag 2. september 2012

Loppelukke

To loppemarknader her i helga. Fredag fann eg ingenting, minstemann fekk seg eit lite fly og storesøster fekk ei barbiedukke. Men laurdag var loppelukka større!

Trur eg var stort sett den einaste som såg det vakre i teak-møbler. Hadde skikkelig lyst til å kjøpe eit lite sett med små bord. Men det er jo greit å ha plass til det. Har eg høyrt rykter om i alle fall. Så eg kjøpte speil og taburett. 80 kroner. Heilt åkei!




Også vart det nokre gamle sandkakeformer som skal bli telysestakar. Jobbprosjekt neste helg trur eg. Kjøpte vel tretti stykker. Nokre gamle bøker. Fiint!




Måtte berre ta med denne mugga heim. Litt for lita til vatn og litt for stor til mjølk. Men eg har trua på at den passar ypperleg til smågodt! Og eg har jo nokre koppar, fat og skåler i same serie. Stavanger Flint altså - kule greier! Ei lita glasskål i grått glas vart også med i veska. Fem kroner. Kan jo ikkje gå frå slikt (sjølv om eg sikkert burde - har ei passe stor samling av små glasskåler no!)



Total loppesum (inkludert ein munk og brus) var under tohundrelappen. Nøgd med det!

Håper du har hatt ei fin helg! Straks er det ny veke, den første i ein travel jobbhaust (altså, eg har ikkje hatt ferie fram til no, men det har vore rolege dagar på jobb). Det blir bra!


fredag 31. august 2012

Morgonmoro!

Eg har følgt FatMumSlim ei stund, og kosar meg med fotoutfordringane hennar. Og i dag var det ein liten overraskelse på Instagram-feeden hennar. Anbefaler å følge!


Så eg kosar meg her medan eg drikk morgonkaffi, og no ventar eg på mi første fotobok. Yay!

Heime med småsjuk unge i dag. Og det er opning på den største loppemarknaden i området i dag. Satsar på at han treng ein liten kvil i løpet av føremiddagen, han er jo i god form og har sikkert lyst på ein trilletur (kan ikkje hugse sist gong vi trilla, han går jo stort sett alltid no, eventuelt sit litt i bereselen).

GOD FREDAG!

onsdag 22. august 2012

Ostemakaroni

Eller mac 'n cheese? I alle fall. Vi prøver å ikkje ete kjøt på måndagar, av miljøvenlege grunnar. Du kan lese om kjøtfri måndag her. På måndag var det ostemakaroni, det er ganske deilig å lage superenkel vegetarmat - og det smakar jo godt!

Oppskrifa er ei litt modifisert Jamie Oliver-oppskrift:

Skru på steikeomnen (200 grader). Kok opp 500g (fullkorns)makaroni i lettsalta vatn, men la det koke ca. 2 minutt kortare enn koketida. Ta vare på litt av kokevatnet. Smelt litt smør i den største steikepanna du har, når det "boblar" har du i ein liten neve fersk oregano og la det steike til det blir sprøtt (det tek ca. 1 minutt). Ha makaronien i panna saman med nokre ss av kokevatnet. Riv parmesan over og la det smelte i pastaen (her kan det vere lurt å røre litt i blant om du ikkje vil ha fastbrent pasta i botnen... Just sayin'...) Ha på salt og pepar.

Hell alt over i ei ildfast form. Strø riven mozzarella OG nokre skiver vanleg kvitost på toppen. Du kan sikkert bytte ut mozzarellaen med litt blåmuggost for ein vaksen versjon, sånn når eg tenkjer meg om. Evt. kan du rive litt parmesan også på toppen. (Ja, eg er glad i ost!)

Sleng forma i ovnen og la det stå til osten har smelta og byrja bli sånn deilig lysebrun og sprø. Yum!

Serverast med salat eller som tilbehør til anna middag.



Og det beste av alt: Restar! Perfekt matboksmat som krev null arbeid. Berre å fylle matboksen og ta den med på jobb, varme i mikro eller i steikepanne. Går også an å ete den kald, men den smakar best varm. 



 God midtveke - det går mot helg igjen! :)

tirsdag 21. august 2012

Jobboverrasking

Sjå kva som venta på meg på jobb i dag! Eg har berre verdas beste kollega!


mandag 20. august 2012

Gøteborg

Nokre glimt frå helga via Instagram (eg heiter tonjeglez der - følg meg gjerne!). Liseberg, Kulturkalas, leik og moro. Det vart ei helg på ungane sine prinsipp, noko som medførte skuffande lite shopping og kaffi. Men heldigvis er Gøteborg så nære at det ikkje er umogleg at det blir ein ny tur om ikkje så lenge. Budde på Mektagonen - genialt med familierom og kjøkken på rommet! Så kunne vi vaksne lage oss litt god kveldsmat etter at ungane hadde sovna. I alle fall i teorien, ungane sovna ganske seint begge kveldane...


Håper du har hatt ei strålande helg! Ønsker deg ei god ny veke, måndag altså! Stay tuned for eit kjøtfri måndag-innlegg.

fredag 17. august 2012

Sol og hengestol

Det har endeleg vore litt ordentleg sommar her på austlandet. Sjølvsagt etter at ferien er over. Men ungane har jo vore ute i barnehagen heile dagen, og når ein har ganske fri arbeidstid går det an å slutte tidleg og jobbe litt om kvelden - så vi har utnytta dagane som best vi kan!

Hengestolen kjøpte eg på ferie i Costa Rica for sju år sidan. Reiste som ryggsekkturist, men fekk den med i sekken heim. No heng den på terrassen til mamma og pappa, og ungane elskar den. (Det blir sjølvsagt litt krangling, så når vi får opphengsmoglegheiter i hagen vår må vi nok kjøpe ein til!)


Skulle du ha eit restauranttips i Gøteborg så tek eg gjerne i mot. Fint om det er åkei å ta med ungane dit (treng ikkje leikerom, men at det ikkje er krise med litt høgare støynivå og litt...ehm... søling.)

GOD FREDAG! Straks er det helg!

torsdag 16. august 2012

Barnerom

Malmkommoder skrudd saman (FOR ein jobb!), nytt teppe og knaggrekke. Litt årnings, og litt som framleis står att (tapet på den blå veggen f.eks.) Men ungane er supernøgde med å ha kvar sin kommode, og tøyet litt lettare tilgjengeleg. Og teppet har dei leika så masse på, gotta love IKEA!


Bloggen min har blitt eitt år! Faktisk eitt år og nokre dagar. Så det må feirast! Skal sjå om eg finn nokre fine premier i løpet av helga og så blir det fargerikt blogglotteri!

mandag 13. august 2012

Rettvis morgonkaffi

Eg har oppdaga noko, noko som gleda meg langt inn i hjartet! Ethical Coffee Company lagar biologisk nedbrytbare kapslar som passar i Nespresso-maskina. Vi bur ikkje i Oslo, så det å resirkulere kapslane har vi ikkje gjort - dei har gått i restavfallet, saman med ein liten porsjon dårleg samvit. Men no:


Den grøne (Inca soave, ikkje like sterk som ristrettoen til Nespresso, men eg treng ikkje  sterk kaffi) er til og med fair trade - dobbelt hurra! No drikk eg kaffi med godt samvit. Eg har kjøpt mine hos Elkjøp, men har også sett dei på ICA. Synes absolutt ikkje smaken står tilbake for Nespresso!


søndag 12. august 2012

To Frustrerte Fruer

I går opna det ein ny bruktbutikk slæsj kafé på Karljohansvern i Horten. Kjempefint område på Verftsporten, rett ved Marinemuseet og min favoritt - Preus Fotomuseum (som forøvrig straks skal arrangere fotografiets dag og alle som vil er invitert til å stille ut sitt eige bilete!). Uansett, bruktbutikk! To Frustrerte Fruer (du finn dei på facebook) - eit supert, bittelite, lokale med masse lekkert til sals og nydelege kaker. Yum! Økologisk is og ripssaft frå Horten Fruktdugnad - det er berre purrfekt!

Eg ønsker meg veldig ein sånn lekker petrolblå rørstol...

Minstemann langar innpå med kake og deilig saft, og finaste catrineholm-gryta fekk bli med heim i sykkelkorga!

Eg er så GLAD for at desse flotte fruene har opna bruktbutikkkafe. Karljohansvern treng eit sånt tillegg til alt det bra som allereie er her. Gler meg til neste besøk! 

Håper du har hatt ei strålande helg, her har det vore SOL heile helga, og det er berre deiilig! I dag har vi  mannen skrudd saman Malm-kommoder til den store gullmedaljen og barnerommet er i organiseringsfasen. Vi har også ordna meir i gangen, skal snart vise fleire bilete derfrå! No ventar kinesisk tamedmat i skuggen under epletreet. Bliss!

mandag 6. august 2012

Blombroksuppe

Kjøtfri måndag, i dag: blombroksuppe (Toro + litt ekstra brokkoli som måtte brukast opp) og heimelaga krydderkrutongar (halvtørt brød steikt i god olivenolje, rosmarin, timian og havsalt - YUM!)

Har du forresten sett Grønn Hverdag sin palmeoljeguide? G-E-N-I-A-L! Du finn den her. Toro sine supper er palmeoljefri og åkei på ein grå måndag med litt kort tid til matlaging. Supper smakar best laga frå botnen av, men i dag vart det enklaste utveg!



To trøytte små, det tek på med barnehagestart. Dei har gått i barnehagen ei veke no, men i dag var nesten alle barna tilbake og då blir det jo meir leik og slitne ungar. Nokre minutt ettermiddagskvil medan mamma bloggar er åkei det. Dei er snart nok tilbake i rytmen igjen uansett!


søndag 5. august 2012

Innpakning

Det er det indre som tel, men av og til er det jo kjekt at det ytre også er fint! Og kan det gjerast enkelt så er jo det det beste! Innpakningspapir frå Søstrene Grene, washitape, gråpapir og teiknesaker - easy peasy!



Her er det storesøster som har laga bursdagsgåver til søskenbarna sine. Sjølvinnpakka og sjølvdesigna, superstolt femåring etterpå! Teikninga er av Selma, og med masse "jenteting" (sommarfugl, blome og kjærleikshjarte). Jakob fekk ballongar utklipt av fargelagt papir.

lørdag 4. august 2012

Eit hjørne kaoskontroll

Nokre gongar er det så deilig å få ting GJORT. Sånne småting som berre blir liggande og gnage på samvitet, men som ikkje gjer vondt nok til at ein får fingeren ut. I dag fekk vi endeleg gjort noko med rotehjørnet i gangen, og det var på tide. Har hatt ei hattehylle (funne i kjellaren hos mampap) liggande i vår kjeller i fleire månader. I dag kom den opp på veggen.


Det er ikkje berre vi som har det sånn, ikkje sant? Ting hopar seg opp til det ekstreme... Det er jo så enkelt å berre legge ting i trappegangen, både på veg ut og inn av huset...


Definitivt betre etter at hattehylla kom på plass, og eg fekk rydda opp i ullkorgene til ungane. Alle reflekser, refleksvestar og sykkellykt fekk plass i det gamle mjølkespannet. Greit å ha det samla! Kommoden er frå loppis. Då vi opna skuffene var dei fulle av gamle silkeskjerf og hanskar, det har blitt tepper i dukkevogna og leikesilker til utkledning, og det eine paret med silkehanskar som passa ligg framleis i skuffen og ventar på ein afternoon tea eller noko *hehe*

Vi har også vore på Knøttepønk-festival med sirkusleiker, skateboardrampe, ansikstmaling, reaggemusikk og is, og strandtur med finaste An-Magritt og kidsa. Herlig, masse sol (kjennest ut som dette var den første ordentlege sommardagen, ungane har gått i shorts og kjole heile dagen!) og deilig middag ute i ettermiddagssola.








fredag 27. juli 2012

Eksamenslukke

Smykke frå H&M, kopp frå Paperchase og kulaste blyanten frå Etsy (kjøpte eit sett med fem ulike - elsk!)

Det beste med å studere er å vere ferdig med eksamen, i alle fall kjennes det slik ut i dag. Det har vore litt utfordrande - men det skal det jo vere også. Det har gått med utallige koppar te og kanelknekkebrød, tankar har blitt skrive ned og forkasta. Men i dag har eg levert! Hurra!

Og helga ser fantastisk ut. Håper helga di også blir bra!

onsdag 25. juli 2012

Gåve frå svigerfar

Vi kjøpte ikkje med oss noko særleg heim frå Mexico utover mat (hermetikk, sterk salsa og chilipulver) og kle/sko. Hadde planer om å ta med oss ein Acapulcostol eller to, men det vart så sjukt dyrt med frakt at det ikkje vart billigare enn å kjøpe heime i Noreg. Storesøster forelska seg heilt i ein regnbogefarga barnestol.

Men svigerfar kjøpte gåver. Og mannen og eg fekk kvar vår gigantiske handmalte kopp med namn på. På spansk sluttar jentenamn på -a eller -r, det er heilt umogleg å få nokon til å uttale namnet mitt rett (på Starbucks har eg fått mange morosame forsøk skrive på pappkoppen min *hehe*) Likeeins med denne, til tross for at den er malt på bestilling og svigerfar sikkert har fortalt korleis namnet mitt skrivast.

Koppane er litt store å drikke kaffi av, men dei passar fint som kaffikrus likevel - på sin måte! Dei er veldig meksikanske, klisjeaktig meksikanske til og med, og ikkje heilt min stil. Men det er godt å ha noko som ER veldig meksikansk i hus. Vi er jo ein tokulturell familie, og nokre gonger må ein litt "over the top", ikkje sant?