tirsdag 29. november 2011

Litt grønt


Litt grønt må det jo vere til jul. Er inspirert av An-Magritt sin adventsstake og Signe sitt vinterland og har lyst til å lage ein liten skog. Har starta så vidt på eitt tre, fleire skal det bli (men trur ikkje det blir så mange med paljettar - det tek tiid...) Nydelege juleplata til Solveig Slettahjell og stemninga brer seg. For ei dame - for ei stemme! Plata heiter "Veien til Betlehem" og anbefalast verkeleg!

Har også fått Etsypakke med fire vintage julekuler. Har leita litt rundt, men alt på ebay glir mellom fingrane mine. Lukka var stor då eg kom over desse på Etsy til ein billig penge (og veldig mykje billigare porto enn alt eg har funne på ebay). Må berre bestemme meg for om juletreet skal få vere litt fargerikt i år, eller om desse skal få henge på Ikea-treet i gangen.

No er det strikketøy og tvkveld. Håper du kosar deg i tysdagskvelden! 



mandag 28. november 2011


Ønskelista mi frå hviit.no - det er så masse fint i den nettbutikken altså. Her er mine favorittar som står på ønskelista mi. Så er det berre å krysse fingrane på søndag! 

Svart manokopp
Mugtail Ekorn (seier ikkje neitakk til dådyret, haren og katten heller!)




Inspirasjonsjakt


Fridagen i dag skal brukast på å gjere ferdig adventskalenderen og planlegge litt dagane framover. Det er så deilig å kunne starte dagen med ein stor kopp te og eit blad med masse juleinspirasjon. Fekk til og med sove lenge i dag. Bliss!

Ønsker deg ein flott start på den nye veka!
***

I´m off today, and the plan is to finish the advent calendar and plan ahead. Just perfect to start the day with a huuuge cup of tea and a magazine with lots of inspiration. I even got to sleep in this morning. Bliss!

Wishing you a lovely Monday!

lørdag 26. november 2011

Adventsstake


Eg vart så glad då eg såg kva som fulgte med siste utgåve av Rom 123 som dumpa i postkassa her om dagen - eg hadde planer om å kjøpe slike tal å ha på lysa i adventsstaken i år, men no slapp eg jo det! Gjorde det veldig enkelt, lysa står på eit lysfat frå Ikea og har fått selskap av kongler og kastanjer vi plukka i haust.


No skal eg gå på jakt etter adventsstjerna, den ligg ein eller annan plass i kjellaren. Må jo få ting ferdig til i morgon! :)
Minstemann våkna klokka 05:38 i dag tidleg. Han sovna heldigvis igjen, men då var eg jo allereie vaken. Gjekk ned og tente lys - det var berre vidunderleg å få nokre minutt i stillheit!

Lyslykt med tremotiv frå Nille og sinkhus frå Rema1000 - trur det er første gong eg har handla noko til interiøret frå Rema.

Etterkvart kom ungane ned og vi lagde kaffi og spelte Gruffalo-kortspel. Veldig stas. Sidan vi gjekk glipp av gårsdagens episode av Vaffelhjarte såg vi den, og høyrte på musikkvideoen tre gonger. No kjem eg til å synge "Besteven" i heile dag! :)

Alle bilete teke i ekstremt dårleg lys og med iPhone - sårri!


God laurdagsmorgon til deg!

fredag 25. november 2011

Adventskalender

Jess, eg er i gong! Etter eit lite søk på Etsy fekk eg hjartebanken, eg fann ein kalender eg berre MÅTTE ha. Og eg var jo allereie inne i fyrstikkesketankegangen, så denne passa perfekt! I dag var eg ute og kjøpte fyrstikkesker, og satte meg ved bordet for å lime printet på fyrstikkeskene. Eg hadde tydelegvis ikkje fulgt heilt med då eg bestilte, for det eg hadde bestilt var ein "brett din eigen fyrstikkeskekalender" og ikkje "lim-på-fyrstikkeskekalender". Så no har eg masse masse fyrstikkesker til overs, kanskje blir det ein Martha Steward-kalender også. Sånn når eg likevel har eskene liksom. Eller kanskje eg sparar dei til neste år.

Uansett - eg har storkosa meg med klipp, brett og lim i dag. Og kalenderen blir heilt rå! No kan eg å brette fyrstikkesker også, kanskje det er skills eg får bruk for seinare i livet, kven veit?!


Oppi eskene skal det ligge aktivitetsforslag. Kanskje noko bittelite snop på laurdagar (eska er tross alt mindre enn ei vanleg fyrstikkeske, så ganske begrensa med plass!), men stort sett blir det lappar med aktivitetar på. Mogleg at det blir skattejakt etter pepperkakeformer f.eks. den dagen vi skal bake, med eit hint til kor ein bør leite.

Draw! Pilgrim har også nokre forslag til korleis bruke kalenderen på nettsida si. Nettsida er verkeleg eye candy, kjenner at eg gjerne skulle kunne meir om grafisk design når eg er der inne - så masse kult!

Viss du også har lyst til å lage aktivitetskalender kan eg dele mine aktivitetar, må planlegge litt kva aktiviteter som skal kome når.

♥ Henge opp lyslenker i syrinbusken
♥ Bake julemanna (aka kvite kakemenn)
♥ Bestemme middag og hjelpe til med å lage den
♥ Lese julebok (brukar denne to gongar)
♥ Ete kveldsmat ute, med pledd, stearinlys og lommelykter
♥ Fortelle historien om St. Nicholaus + snop eller lita gåve i skoen (må vere 6. desember)
♥ Gå på posten og sende julekort og gåver
♥ Rydde i kle/leikehaugen og gje bort det vi ikkje treng
♥ Bake og pynte pepperkaker
♥ Bygge pepperkakehus (her kjem eg til å bruke butikkjøpt deig, men heimelaga til den førre pepperkakerelaterte aktiviteten)
♥ Popcorn og julefilm
♥ Invitere barn i veneflokken på juleverkstad
♥ Bake lussekattar og gå Lucia til naboane (har kjøpt sånne batteridrivne Lucia-lys på Nille)
♥ Tur på biblioteket
♥ Grille pølser på bål til middag
♥ Henge opp refleks i hagen og leike med lommelykter
♥ Vafler og kakao til kveldsmat
♥ Besøke ein ven (satsar på ein tur til An-Magritt)
♥ Gå på julemarknaden
♥ Skogstur eller aketur (kjem an på véret)
♥ Ete middag på restaurant
♥ Trille marsipan
♥ Papirjuleverkstad (klippe snøfnugg, lage julelenker etc.)
♥ Pynte minijuletre på barnerommet
♥ Bygge julekrybbe (24. desember)




***

I found this great advent calendar on Etsy, it is made by Draw! Pilgrim and it is just perfect! I´ve spent the day cutting, folding and gluing, and I can´t wait for December 1st! I´m planning a calendar with different activities every day, baking cookies, decorating, being creative, going for a walk in the forest etc. I think the kids will be happy! There are some suggestions for how to use the calendar on the Draw! Pilgrim website, you have to stop by - the vibrant colours and the great designs, you just have to love it! I wish I knew how to design stuff like that!

torsdag 24. november 2011

Torsdagslukke

På jobb i dag kom ei mor frå babysongen innom med ein nydeleg blome til meg, frå eit par av mødrene. Eg vart så glad og rørt, nesten heilt på gråten. Og ikkje nok med det - tidlegare i veka fekk eg ein kjempefin telysestake av ein kollega. Eg er velsigna med gode folk rundt meg!!




No er det deilig adventsstemning i kjøkkenvindauget. Herlig! Tenk at det berre er ein månad att til jul i dag! I morgon har eg fri, planen er å få gjort unna litt juleførebuingar. Det er jo faktisk ganske mykje som skal gjerast, og på søndag er det første søndag i advent allereie!

Ein gledesklem til lesarane mine - for ein deilig torsdag det er i dag!

mandag 21. november 2011

Måndagsmys

Litt restar med heim frå jobb i dag, peparkakemuffins med deilig ostekrem. Yum! Og perfekt i selskap med ein myntete frå Pukka, på sofaen med barnetv-ungar. Litt måndagsmys må til. Umogleg å ta bilete om dagen, det er nesten-mørkt når vi kjem heim frå barnehagehenting.


Peparkakemuffins (ca. 16 stk)

1 egg
2 - 2,5 dl mjølk
Juice frå ein halv klementin
100 g smør, smelta

4,5 dl kveitemjøl, sikta
1,5 dl sukker
3 ts bakepulver
1 ss kakaopulver
2 ts kanel
1 ts nellik (malt)
1 ts riven muskatnøtt

Bland det våte og det tørre kvar for seg. Hell så det våte i det tørre og rør rundt. Spe med litt mjølk om røra blir veldig tjukk, men røra skal ikkje vere flytande! Berre visp lett saman, ikkje bekymre deg for å røre ut klumpar!

Steik i muffinsbrett på 180 grader i ca 15-18 min (sjekk etter 15 min, og la dei eventuelt stå litt lengre om dei treng det)

Ostekrem laga eg av 100 g smør, ein pakke kremost frå Tine (sånne litt små firkanta pakkar), juice frå resten av klementinen og melis til passe konsistens.


Servise frå Stavanger Flint


Dagens veggismiddag (vi prøver å halde oss til kjøtfri måndag) var minestronesuppe. Det var mannen i huset som laga den, så eg har ikkje oppskrift. Men den inneheldt i alle fall poteter, gulrøter, vårlauk, spaghetti og store kvite bønner + vegetarkraft, hermetisert tomat og litt pesto.Yum!

Ønsker deg ein knakande god start på veka! 

søndag 20. november 2011

Og vinnaren er...


*trommevirvel*



Kjempeflott respons på gjevekken min, heile 172 lodd var med i trekninga. Eg har brukt ettermiddagen på å møysommeleg skrive ned alle namn og nummer, og har trekt ein vinnar via random.org og vinnartalet var lodd nummer 96 


Gratulerer så mykje til Bitteliten - som eg gler meg til å treffe i morgon, så her blir det kjapp overlevering av premie!

Og eg lova ein trøystepremie. Den har eg faktisk ikkje fått tatt bilete av, men det får bli spanande for den heldige :) Det er i alle fall noko godt og varmande det også! Trøystepremievinnarloddet var 101 og det loddet tilhøyrer Nina med bloggen dill og dall og sånt og bloggbutikken Budeiesøm (fantastisk namn!)


Igjen, tusen takk for så flott respons. Kanskje det ikkje blir så lenge til neste gjevekk - dette var jo skikkelig KJEKT!


God søndag til fine lesarar! Eg har hatt ein herlig dag med avslutning for babysang i kyrkja (så mange fine folk altså! ), storesøster har vore på sitt første venebesøk utan foreldre (ho elska det!), deilig andebryst til middag og no skal dei vaksne i huset sjå film i sofaen, ete litt snop og vere kjæraster.

lørdag 19. november 2011

Mekke mokka

Laurdag morgon, for lite søvn etter sein kveld i går og våkne ungar i natt. Må. Ha. Kaffi.








Heimelaga sjokoladesirup er SÅ godt, og med rått kakaopulver, agavesirup og to dropar sjokoladestevia - alt handla på iHerb blir kaffiopplevinga på eit nytt nivå. Rått kakaopulver har ein annan smak - det er meir "jord" på ein måte, du må berre prøve det trur eg! Uansett: 1 ss kakaopulver + 1 ss agavesirup + 2 dropar stevia = sjokoladelukke! Stevia er ekstremt søtt, så det kan droppast om du ikkje vil ha søt kaffi, berre kraftig sjokoladesmak. Det er litt vanskeleg å røre ut kakaopulveret, men det er berre å røre i veg, eventuelt ha i nokre dropar vatn for å få ein jamn "saus".

Har du ikkje handla på iherb før får du $5 i rabatt ved å oppgikoden ZAL941 når du skal betale.

No står det ei vaniljekake i ovnen, vi skal i bursdag i dag og bursdagsbarnet ønska seg jordbærkake. Det luktar heilt himmelsk på kjøkkenet, eg testar ei ny oppskrift og den luktar i alle fall lovande. Skal prøve å hugse å ta bilete av ferdig kake!

GOD laurdag til deg, håper dagen blir strålande!!

***

Nothing beats a large cup of mocha after a night with hardly any sleep (I went to bed to late yesterday, and the kids were awake during the night). And home made chocolate syrup is so much better than from the shop, especially with agave sirup and raw cocoa powder! Everything bought at iHerb (if you haven´t shopped at iHerb before you can use this code ZAL941 for a $5 discount on your first order), and I must say that raw cocoa powder has a special taste - it tastes healthy in a way, a bit "earthy", you just have to try it!

I have a vanilla sponge in the oven. We´ve been invited to a birthday party today and my niece really wanted a strawberry cake. It smells delightful!

Hope you´ll have a GREAT Saturday!

Adventskalenderinspirasjon

*puh* Langt ord å byrje med!

Men eg har vore på adventskalenderinspirasjonsjakt (*puh*) i dag. Eg fekk så vondt i nakken, så det vart ikkje vasking og grunning av vegg. Eg fekk lagt opp gardinene og hengt dei opp, så dagen var ikkje totalt vekkasta foran maskina ;)

Frå Martha Steward, elskar at ein snur eska og lagar eit bilete!


Via Pinterest, men bloggen er her - utrulig søt julepynt ein kan henge på adventstreet i løpet av desember. 


Frå Hobbycraft, via Pinterest, utrulig kul konvolutt-kalender!


Vi har ingen nissar i huset vårt (ikkje sånn veldig bevisst, men nissen har ingen stor plass her), men denne kalenderen er råkul!


Hadde eg skulle kjøpt ein kalender trur eg det måtte blitt denne frå John Lewis.


Vi skal ha aktivitetskalender, har ikkje tenkt på pakkekalender. Då eg var lita hadde vi blåfuglkalender og etterkvart sjokoladekalender, og det funka kjempefint. Synes det er kjekt å finne på ein ting saman kvar dag i ventetida, og det er jo gjerne ting vi skal gjere uansett (typ bake kaker, pynte pepperkakehus, henge opp lys på treet ute etc.). Det blir gjerne nok gåver på julaftan uansett, sjølv om vi begrenser det litt i vår familie. 

Her er kalenderen vi brukte då eg var yngre, tjuefire blåfuglar som flaug bort til vindauget og vart hengt opp i gardinstanga. 

"Fløy en liten blåfugl bort til vindu, bort til vindu, bort til vindu. 
Fløy en liten blåfugl bort til vindu en desemberdag"

Vi får sjå kva det blir til, eg likte fyrstikkeske-prinsippet. Akkurat passe til eit lite aktivitetskort og kanskje ein sjokoladebit om det skulle passe ;) Skal sjølvsagt vise fram når eg har bestemt meg!

No er det ein fireåring som ligg i dobbeltsenga og ventar på mamma. Eg har vore på kino (Twilight, yay!) og no var ho klar for litt mammakos.



fredag 18. november 2011


Det er fredag og fridag! Deilig! Planen er å levere krangletrolla i barnehagen og så gå i gang med gangen. Salmiakkvaske ein vegg og grunne eitt strøk (treng vel litt tørketid no som det har blitt kaldt ute) og henge opp gardiner. Treng litt isolasjon, vi har stoore vindauge - så vi må ha gardiner no om vinteren.

Håper du får ein flott fredag! 

PS: Minner om gjevekken - trekning på søndag, så det er framleis moglegheit til å stikke av med premie eller trøstepremie! :)

torsdag 17. november 2011

moi




Øyeblikk har ny fotokonkurranse på gong, denne gongen er det sjølvportrett som er tema. Mitt bidrag er teke i vindaugskarmen på eit hotell i Hiroshima (forøvrig eit fantastisk studieopphald - vil tilbake til Japan!)
"Hvem er jeg?"

Selvportrett



Denne uken ønsker vi å se din tolkning av et selvportrett. Om du ønsker å ta bilde av ansiktet ditt, en annen kroppsdel, en ting som sier noe om hvem du er, huset ditt, stolen du pleier å sitte i, eller noe annet som kan fortelle oss hvem du er, det er opp til deg!

tirsdag 15. november 2011

Du veit du har pedagogforeldre når dei har vore barnevakt og dette møter deg på spegelen på badet:


Eg er velsigna med fantastiske foreldre som stiller opp og som ungane har eit nært forhold til! Det er så godt å ha dei i nærleiken, og det er heilt herleg når storesøster på fire år våknar neste morgon og les ord på fem bokstavar og veslebror på to "les" teikningane på lappen ved sidan av, stolt som ein hane!

***

I am blessed with wonderful parents who are there for us and look after the kids when we need them to. And you know you have teachers for parents when this is what you see in the bathroom mirror coming home from work :) Our four year old daughter is incredibly proud of herself when she can read five letter words, and the two year old "reads" the drawings. Great!

mandag 14. november 2011

Blåmandag

Dagane flyg avgarde heilt villt fort no! Rekk knapt sitte ned føler eg, og bloggen lid deretter. Så litt blå stemning her inne i dag... Etsy er ei av favorittsidene mine på nett, er stadig innom og sug til meg inspirasjon (og handlar litt i seine nattetimar...) - her er litt blåmandagsinspirasjon til deg óg!

Hjortegevir frå MadeByCassandraSmith, særs humane dyrehovud til å ha på veggen frå FrenchMelody, liten fugl frå SeaPinks og leikekamera frå OneLateNight

Får eg meg nokon gong eit gevir så skal eg verkeleg vurdere å male det - innmari kult! Og eg får så lyst til å sy søte små leiker til små familiemedlemmer, men når eg knapt rekk skrive på bloggen er det kanskje ikkje rimeleg å tru at eg får tid til å finne fram symaskina med det første. Heldigvis er det førti dagar att til jul! 

Og TUSEN TAKK for at så mange vil vere med på gjevekken! Eg er så glad, hei til nye følgarar og lukke til til alle som har teke lodd - det er framleis fleire dagar att, så her er det berre å henge seg på!

Håper mandagen din er fin, blå eller ei! Det blir rolegare dagar her i heimen ein gong ut i neste veke håper eg. No nyt eg berre små "friminutt" med store tekoppar, litt inspirasjonshenting i diverse juleblad og litt strikking. Skal finne fram strikketøyet i kveld også, men først er det kosekveld med mannen. Han har jobba ekstremt masse i helga, så no blir det fredagsstemning med eit lite glas raudvin, ost og spekeskinke.

torsdag 10. november 2011

Gjevekk! *stengt*



Det er på tide med ei lita feiring. Eg har passert femti følgarar (hurra!) og det er snart jul! Ein varmande gjevekk må det bli, den må jo passe litt til bloggnamnet mitt, OG at det snaaart er jul.

Gjevekken er: 
♥ "Best of Christmas ideas" - ei julebok (eg veit ikkje heilt kva det heiter på norsk - sånn mellomting mellom bok og blad? Bookazine på engelsk i alle fall!) med masse juleinspirasjon, både til dekor, blomepynt, snop, mat og lage-sjølv-prosjekt.
Ein deilig chili-pakke med sjokolade, chutney og chilipaste
♥ Økologisk kanelte


Reglane er som vanleg:
♥ 1 lodd for kommentar
1 lodd for følgar av bloggen
♥ 1 lodd for link på facebook
1 lodd for link på eigen blogg (bruk biletet øverst)

Fire lodd til saman altså, skriv i kommentaren kor mange lodd du tek. Har du ikkje blogg kan du sjølvsagt vere med, berre skriv inn e-posten din sånn at eg kan kontakte deg om du stikk av med premien!

Trekning 20. november, etter at ungane er i seng.


Ikkje umogleg at det blir ein liten trøystepremie også ;)

tirsdag 8. november 2011

Adventspynt og spaghetti

Fireåringen og eg har mekka litt adventspynt. Hamaperler er berre så artig å halde på med! Her er eit litt improvisert adventslys, vi hadde ingen svarte perler, men fireåringen meinte det gjekk heilt fint med raudt som "veke" i lyset! Og når sommarblomane er ferdige funkar pottene supert til snopeoppbevaring, og til å gøyme adventspynten i!


Også gløymte eg å blogge gårsdagens kjøtfrie middag! Det gjekk litt i eitt, berre såvidt eg rakk heimom for å lage mat og hente ungar i barnehagen før det var ut på jobb igjen. Då vart det skikkelig fast food, trur dette er den enklaste og kjappaste pastaoppskrifta som finst, og ungane ELSKAR den!



Pasta med cherrytomatar

Spaghetti (eller annan pasta)
1 boks cherrytomatar (meir om du har ungar som likar tomat, mine er ikkje så begeistra desverre)
1-2 fedd kvitlauk
Olivenolje
Tørka eller fersk basilikum
Salt, pepar
Evt. chiliflak (eg brukar Santa Maria Chili Explosion, men då bør du kutte litt ned på saltet)

Kok pasta etter anvisning på pakken. Del tomatane i to og steik i ganske masse olivenolje med finhakka kvitlauk. Krydre. Når pastaen er ferdigkokt heller du av vatnet, bland i tomatane og server med masse parmesan. Dersom du har kapers i kjøleskapet er det også godt i, vi brukar gjerne 1-2 ss kapers til denne oppskrifta.



Håper du har hatt ein finfin vekestart! Eg har ein gjevekk på gong, ventar berre på det siste som manglar til pakken!

søndag 6. november 2011

Helg

Tida flyg jo reint avgarde utan stopp. Helga har vore full av herlige folk, huset fullt av ungar og mødre, sushi og sjokoladekake laurdag (herligaste An-Magritt var her, og to andre deilige småbarnsmødre! ) Vi har også vore på skogstur med andre fine folk og ungar, båltenning, pølser og marshmallows, ein diger stein vart eit fly og eit tau som hang i eit tre vart finfin huske ved hjelp av ein liten stokk!


Tippar at vi hadde laurdagens største sushibestilling... Vi bestilte 74 bitar til saman + eit lite fjell med vårrullar. Det er berre lukke å ha så god (og rimeleg!) sushi i nærleiken, sjølv om ein ikkje bur i storbyen!


Imponert over Pernilla sine bålkunnskaper, det gjekk med berre to fyrstikker til å få fart på bålet med fuktig opptenningsved!


Dette måtte berre dokumenterast! Kranglefantane 1 og 2 frivillig hand i hand! Det varte ikkje så lenge, det vart krangel om kven som skulle vere førstesolist på "bæ bæ lille lam" - rare småtrolla mine!


Håper helga di også har vore fin! Måtte det bli ei fantastisk veke også, med mange gode minner du kan ta vare på framover! Her blir det bissibissi med masse møter og jobb, men håper det blir nokre pustepauser også.


***

I´ve had a wonderful weekend. Great friends came over Saturday, and the house was F-U-L-L of kids    and mums, sushi, chocolate cake and coffee. Today the kids and I went for a walk in the forest with some other lovely people and kids, and we had such a nice day with grilled sausages and marshmallows, and playing among the trees. 

I hope your weekend has been good too, and that the coming week will bring lots of great memories to cherish in the future!

fredag 4. november 2011

Varmande haustmiddag

Nokre gongar er hausten litt kjip, med grått vér. Men det er absolutt ikkje grått inne hos oss! På slike dagar passar det supert å invitere gjestar på varmande mat, og gjere gråstein til gul(l)! 





Chili con carne, til fire vaksne og to ungar

600g kjøtdeig
2 bokser hakka tomat
2 bokser bønner
2 gulrøter, raspa
1 lauk, finhakka
2-3 fedd kvitlauk, finhakka
Salt, pepar, tørka chili og spisskummin
1/2 kanelstang

Steik kjøtdeigen (gjerne litt i porsjonar, med mindre du har diiiger steikepanne). Ha over i ei stor jerngryte. Steik gulrot og lauk kjapt og ha over i gryta. Hell av laken til bønnene og sleng dei i gryta saman med tomatane, skyll tomatboksene med litt vatn og ha vatnet i gryta. Smak til med krydder. La putre så lenge du har tid til, smakane blir berre betre om dei står lenge. Men du kan fint servere den med ein gong alt er varmt!

Server med avokado, jalapeno og tortillachips. Ungane ville gjerne ha agurk og paprika ved sidan av også.


Dette tøystykket fekk eg i Japan då vi var på konsert med Sizzle Ohtaka, ein heilt fantastisk japansk artist! 



Må berre vise fram litt av resultatet etter fotoshooten med Majala Bjørnsen Tamber. Har allereie linka på bloggen, men synes bileta vart så fine at eg berre må vise fram. Har jo så fine ungar!





Eg slit framleis med at ikkje alle bloggane dukkar opp i bloggrullen min. Ser at dei ligg hos andre eg er innom, men dei kjem ikkje opp hos meg. What to do?

tirsdag 1. november 2011

Av og til treng ein litt gull og glitter på ein heilt vanleg tysdag!




Håper du har ein gullkanta tysdag!