lørdag 4. april 2015

Påskeegg del 3

Det har gått i egg i årets påskeverkstader. Huset fullt av egg! Men det er jo så fint, og eit godt symbol på påske. Nytt liv!


I går lagde vi stempla egg. Superenkelt! Eg fann fram akvarellmaling frå Søstrene Grene (og litt akrylmaling frå Panduro, men akvarellmalinga var best - eit lite skrin med små tuber i til finfin pris!), litt papp frå ei pappeske, papptallerknar og kvit kartong (vi brukte tjukke akvarellark, men her kan du jo bruke kva som helst!). Klipp ut eggeformer, skvis maling ut på papptallerknar (veldig greitt med slike tuber med akvarellmaling, vart ein veldig passeleg "strek" til stempla!) og stemple i veg med pappbitar! 


Dette var kjekt for sjuåringen (som laga litt meir avanserte mønster, og brukte pensel på nokre egg), femåringen (som var oppteken av matchande fargar) og snart-toåringen (som berre stempla villt). Enkelt å lage i stand, og kjapt å rydde opp etterpå. Berre rulla alt (vel, ikkje måling, penslar og ferdige egg sjølvsagt) inn i papirduken og rett i papirsøpla!








Ingen kommentarer:

Legg inn en kommentar